近日有調查發現有「人對人」直銷電話嘅數量大幅上升，大部分受訪市民都感到滋擾，私隱專員公署更建議政府規管呢類直銷電話。不過，商務及經濟發展局局長蘇錦樑（Greg蘇）就話需要顧及就業情況及經濟影響，市民有權要求直銷商停止使用個人資料作直銷用途，又話研究由行業自我監管云云，簡單啲講即係懶理擾民情況，叫市民自己搞掂。Greg蘇此話一出，連日惹來市民批評，甚至有人話，如果Greg蘇不斷被「人對人」直銷電話滋擾又會點呢？
