渡海濠情:大叫大笑 認真失禮

有土耳其高官公開演說時,話女士們唔應該喺公開場合大聲笑,要保持端莊嘅儀態,新聞出街後隨即引起網絡上不少討論,嚟自大富豪桑拿嘅小章就話:「我支持佢嘅講法呀!」

設身處地

小章說:「女仔人家喺公眾地方,大聲講,大聲笑,除咗自己覺得冇嘢之外,現場其他人都覺得有問題,因為你嘅笑聲,自己唔知道咋,外人聽到真係嘈到拆天。我點解知道?因為有次同成班女朋友喺公園野餐,我哋有講有笑不知幾開心,期間人有三急,於是就上廁所,返嚟嘅時候,五十米以外就已經聽到佢哋嘅笑聲,愈行得近就愈大聲,好多途人都要掩住耳仔走過,我唔係上廁所,都唔知道我哋嘈得咁緊要,大家唔只樣衰,仲會好乞人憎添!」

得意忘形

小章補充說:「所以女仔真係要斯文啲,喺外面幾開心都好,都咪笑得太忘形,除咗笑聲,仲有一樣聲音好擾人,就係興奮時嘅尖叫聲,女仔好興失驚無神驚叫,最慘仲會感染,一個叫完又一個,五、六個女仔圍埋一齊,男仔嘅耳仔真係好易聾,所以奉勸姊妹們真係要收斂啲,笑係可以,但別太忘形,發出撕天裂地嘅叫聲嚟做乜吖?自己形象受損,有時仲會叫到肚痛添!要大叫就留番熱親時,咁就實冇問題!」

小章Profile

年齡:21歲

三圍:33-23-34

撰文:小德 

攝影:阿程