政情：今日你上鏡：謝偉銓井岡山搵咖啡店

立法會放暑假，幾乎個個議員都去歐美等地旅遊，偏偏建築、測量及都市規劃界議員謝偉銓（Tony）就反其道而行，兩星期前帶業界去井岡山考察五日，八月中又帶團去西安睇當地發展。不過，井崗山唔算大城市，遊客唔係太多，連帶食肆同購物嘅地方都少之又少。Tony透露，原本佢諗住跟團友一齊去歎咖啡，但點知當地搵唔到有連鎖咖啡店，只係有類似酒吧嘅地方飲咖啡，仲要夜晚八點鐘先開門。其實佢唔係太鍾意飲咖啡，所以最後都決定留喺酒店瞓覺好過喇。