政改大戰臨近，佔中如箭在弦，最近更有人提出，話香港要經過「大亂」先能夠做到「大治」，因此喺落實特首普選之前，社會幾亂都唔使驚，甚至愈亂愈好。近年已淡出政壇嘅民政事務局前局長藍鴻震（藍爺），尋日罕有現身港台節目《城市論壇》。佢自言做咗七十幾年人，當中接近四十年做官，深明香港人唔鍾意亂。藍爺又以中東局勢做例子，話當地政局同社會亂足五十年，至今都達唔到和平穩定同民主繁榮，所以佢唔相信「大亂始能大治」嘅睇法，認為香港唔可以再亂落去。
