政情：今日你上鏡：蔣家姊妹探訪留守兒童

「留守兒童」（即父母均離鄉打工，留低子女在鄉間獨自生活）問題近年成為內地重要社會問題之一，香港立法會議員蔣麗芸（阿Ann）最近喺社交網站上貼圖，話由佢妹妹蔣麗萍創辦嘅「愛基金」，與內地二百多個教會合辦「留守兒童」夏令營，讓一批「留守兒童」可以喺暑假入營繼續學習。其中蔣麗萍月初已同一眾義工出發，阿Ann亦喺近日出發為大家打氣。阿Ann喺立法會成日同班泛民議員鬥氣罵戰，趁立法會休會暫時離開香港，同一班農村兒童及義工一齊生活吓，洗滌心靈，相信佢本人亦會獲益良多。