渡海濠情：救命情緣難再續
有對男女第一次約會就約去郊外旅行，但乜都未做，19歲男仔就突然暈倒，16歲女友二話不說就幫佢做人工呼吸，足足做咗40分鐘。嚟自9號會所嘅菲菲就話：「真係好浪漫！」
失去初吻
菲菲話：「我有個女同學，因為讀書太叻又太靚女，所以一直都識唔到男朋友，由於冇男朋友，所以初吻一直都未試過，有一次佢去游水，突然遇溺，最後被救生員救返上岸，當時因為冇咗呼吸，於是救生員就同佢做人工呼吸，大約做咗三、四分鐘，我同學就醒番，佢話迷糊中知道自己嘅初吻冇咗，幾擔心睜開眼一望，係個中年大叔就慘咯！但又唔可以扮不省人事，於是賭一鋪，慢慢睜開雙眼，好彩係個年輕靚仔，樣子仲有幾分似韓星金秀賢添！」
分手收場
佢係咪喺韓國游水呀？菲菲話：「梗係唔係啦！之後我同學見佢係奪得初吻嘅幸運兒，而且又係救命恩人，最重要就係個男仔又大隻又靚仔，於是我同學就主動出手追呢位救生員，由於女追男，隔層紗，所以話咁快就得手，本來都幾浪漫，但佢男友成日都救人，日日都同人做人工呼吸，有時係細路，有時係阿伯，有時係大嬸，總之係人都咀過，我呢個同學一同佢親嘴，就諗到自己同其他人親嘴，即時就想嘔，最後浪漫咗三個月就支持唔住分手收場。」
菲菲Profile
年歲：21歲
三圍：34-23-34
撰文：小德
攝影：阿昌