貨車霸佔行人路 恐生意外
「成日都有部重型貨車泊喺度，個車頭又凸晒出行人路，因為條路本身有少少斜，我哋唔單止被迫行馬路，次次行過我都好驚架貨車會突然溜前，車到人點算？」在長沙灣工作的黃先生不時行經長裕街，曾多次向警方投訴有貨車於一幢工業中心停車場停泊時會霸佔行人路，惟一直未見改善。
警方接投訴 數月始回覆
本報曾於四月轉介上述投訴，惟警方一直未有回應，在七月的回覆中亦未有解釋事隔數月才交代個案原委。發言人僅稱，由去年七月至今年六月，警方在上址一帶向違泊車輛共發出逾六百四十張定額罰款告票，期間共接獲兩宗有關投訴。
「點解一個咁簡單嘅個案要過咁耐先覆到？可能警察覺得好小事，但係意外就係意料之外，真係溜前搞出人命嗰陣先補救就冇用！」黃促警方加強巡查，確保市民「有路可行」外，亦可避免意外發生。