渡海濠情：偶發脾氣 哥哥冧你！
脾氣大嘅女人發起火嚟真係唔係人咁品，就好似美國有個女人因為男友唔肯幫佢買雪糕，竟然放火燒咗男友架車，呢種做法認真得人驚！就連澳門利澳水療嘅索女Ella亦睇唔過眼，認為發脾氣千祈唔好過火位，恰到好處先至可以令男友更冧自己。
唔好老脾
早排美國佛羅里達州嘅一個停車場，無啦啦突然有架車着火，據目擊者表示佢當時見到一個女人不滿男友唔肯幫佢買雪糕，嬲起上嚟竟然將汽油倒落男友架車並點火。Ella聞言就擰晒頭話：「發咁大脾氣為咗乜嘢呢？只不過係為咗杯雪糕就搞到燒車，仲分分鐘惹官非上身，呢種做法認真無謂。」可能個女人覺得男友連杯雪糕都唔肯同佢買，覺得自己喺對方心目中冇地位呢？Ella就話：「我梗係明白呢個女人諗乜啦！因為我身邊亦有啲咁嘅姊妹，佢哋覺得透過發脾氣，可以令男友變得更貼貼服服，加上對方氹番自己嘅舉動，亦可證明自己喺對方心中嘅地位，只係佢哋冇諗過男人嘅耐性唔多，遲早有日會畀佢激走，而我睇嚟呢個美國女士嘅男友可能已經同佢分手。」
提升情趣
不過有啲男女卻覺得，發脾氣係兩性相處一種調味料，反而有助拉近雙方嘅關係喎！Ella點頭話：「我都同意呢個講法，只係發老脾嘅程度一定要拿捏得相當準確，否則學似呢個女人搞到咁大件事，不但會隨時惹嚟一身蟻，甚至會影響埋大家嘅關係。其實我覺得除咗要講大家有冇畀個心出嚟考慮對方嘅感受之餘，仲要用時間嚟測試對方嘅底線，先至可以得到最佳嘅效果。好似我咁有時會詐諦唔想同男友曳曳，跟住再發少少老脾，對方就會心領神會知道我只係想同佢耍花槍，然後諗辦法嚟氹番我後再床戰一番，又或者反過嚟由我氹番佢，呢啲咪叫做情趣囉！所以話耍花槍係要講求技術，唔係話一味亂發老脾就得嘅。」
撰文：魂
攝影：生