政情：公民講場：「壹」開電腦醜事實查到

壹傳媒老闆肥佬黎同多個泛民政團、現任及前任立法會議員牽涉嘅政治獻金醜聞未解決，捲入風波嘅公民黨毛孟靜及陳淑莊、民主黨涂謹申都死口唔認收過肥佬黎捐款。向來語出驚人嘅民主黨黃碧雲（一舊雲）尋日評論香港麥當勞入口過期肉類醜聞時再有新猷，直言麥當勞作為跨國企業，食品有冇問題「打開電腦，一撳（掣）就全部資訊出晒嚟啦！」咦！壹傳媒作為香港上市企業，要知道老闆有冇向泛民捐錢，一樣可以打開電腦撳個掣，全部秘密資料都一樣出晒嚟啦，加上肥佬黎次次捐錢都要攞收據，只怕肥佬黎唔敢開電腦、執法部門唔去搜查咋！