由金鐘海富中心通往政府總部及立法會大樓嘅行人天橋，又闊又長又多柱躉，成為市民張貼大字報表達不滿嘅勝地。尋日我哋行經天橋，又見到有人貼大字報，今次矛頭仲指向「貪曾」前特首曾蔭權爵士。大字報內容大意話貪曾當年並非特首選舉委員會成員，所以根本冇參選特首，質疑佢當年參選係違反《基本法》！查實有關法例並無規定一定要先做咗特首選委，先至有權參選特首嘅，但有關大字報亦反映咗該位市民對貪曾嘅不滿。無他嘅，貪曾在任時禍港七年，臨尾仲貪腐醜聞纏身，市民長期處於水深火熱，仲唔積埋一肚怨氣咩！
