政情：大劉勞氣巡地盤 有嘢交帶
被控行賄及清洗黑錢罪名成立、被澳門初級法院判監五年三個月的華人置業前主席劉鑾雄（大劉），尋日下午大約五點鐘，冒着三十幾度高溫視察旗下位於渣甸山高士美道嘅一個地盤，期間三名佩戴安全帽嘅地盤監工行至地盤對開馬路，同冇戴安全帽的大劉會面。
對工人訓話
大劉去視察的地盤係幾年前買番嚟，聽聞依家起緊私人樓。現場所見，大劉對住其中一位疑似地盤話事人頤指氣使，講到好似幾勞氣，其他兩名工人就恭恭敬敬將雙手放喺腰後，好似小學生聆聽校長訓話咁款。大劉噏完一輪後，就急急轉身上車離去。
雖然大劉就澳門單案搞緊上訴，又因港澳冇引渡安排而逍遙法外，但律政司已與澳門商討移交逃犯協定，加上幾日前香港賽馬會未待案件上訴結果就決定終止大劉會籍，睇嚟唔使好耐單嘢就會有新進展。