政情：公民講場：漏報王「大義滅親」

根據本報取得嘅機密文件顯示，公民黨黨魁、立法會議員梁家傑曾收取壹傳媒老闆肥老黎三十萬元捐款，梁一直聲稱是代真普選聯盟收取，並已把有關款項交回真普聯，但始終未能提供單據證明自己清白。作為黨友嘅議員湯家驊尋日就「大義滅親」，話非選舉期間收取捐款好少見，「我特別奇怪點解有個別議員以個人名義收款囉」，佢又話，就算代收捐款過戶都應該要申報，因為始終涉及金錢利益。湯家驊講到振振有詞，可能佢已忘記自己多次涉嫌漏報個人利益，講到底都係衰埋一堆。