政情：飲食業嘆問題肉防不勝防

身為飲食業界嘅香港餐務管理協會主席楊位醒，尋日出席一個分享會時話，目前食品供應商多以聯營方式經營，好多工序都係外判，平日佢哋食肆嘅買手入貨時都會非常謹慎，仔細檢驗清楚貨源品質及證書，並留意來源產地等，但係如果供應商有心偽造品質證明書，佢哋都防不勝防喎。好在酒樓比較少用漢堡扒等加工食品，所以佢哋又唔太擔心。