取締僭建物 屋署歎慢板
張女士去年行經深水埗北河街時，發現有大廈平台疑有僭建物，並有告示公然指有大量套房及廣告位招租，「僭建已經唔啱，仲要出租，又唔知佢用咩料嚟僭建？穩唔穩陣？萬一冧咗落嚟咪大件事」。
接轉介半年始回覆
屋宇署接獲轉介後半年始回覆證實上址有僭建物，並向有關業主發出清拆令，強調任何人如在期限過後仍未遵從命令，又無合理解釋，將向有關業主提出檢控，亦可安排政府承辦商拆除僭建物再向業主追討清拆及監工費用，以及不多於有關費用兩成的附加費。
「成半年先證實有僭建物，屋宇署咁龜速做嘢唔怪得成街都係僭建啦！」張女士不滿屋宇署「歎慢板」，變相縱容違規業主，要求當局嚴厲執法，「唔好淨係得個講，做就唔去做。」