渡海濠情：露股潮拍 都係咪嘞！
以前嘅結婚相，吓吓都係以美感同浪漫行先，只係英國家陣就潮玩露股結婚相，不論新郎、新娘定班兄弟同姊妹，齊齊露出個八月十五。不過，澳門9號會所嘅索女珊珊卻話，呢種熱潮佢一啲都唔想跟，事關佢性格怕醜，而個美股都係留番畀鍾意嘅人睇喎！
搞鬼婚照
呢種露股結婚潮相最早嚟自英國，諗住可以喺老套嘅婚禮上搞吓新意思，卻估唔到呢種玩法竟然愈嚟愈多人鍾意，着底褲嘅固然不在話下，唔着底褲晒出個八月十五嘅亦大有人在，而呢種潮流更吹到去美國添！珊珊聞言就笑道：「呢種玩法真係幾得意，事關我哋睇開嘅婚禮相，唔係大玩唯美浪漫，就係要擺出好似模特兒上身嘅甫士，擺甫士嘅人唔覺得悶，我哋睇得多都厭，難怪呢種風氣會愈嚟愈流行。」不過有做伴娘及姊妹嘅女士，為咗可以影到至靚嘅露股相，不但特登走去做成個月健身練出美臀，甚至唔着底褲嚟影，咁做法係咪好似有啲過火？珊珊擰頭話：「其實影結婚相嘅目的只係希望令新郎及新娘留下美好回憶，佢哋鍾意就得。」
私下任睇
聽珊珊講到咁眉飛色舞，唔知佢第時結婚會唔會咁玩呢？以為珊珊會二話不說點頭話好，點知佢竟然面紅話唔制。珊珊解釋：「外國人始終思想比較開放，咁樣做梗係冇問題啦！更何況大家嘅文化都唔同，事關佢哋嘅結婚相可能真係得佢哋兩公婆，加埋啲朋友一齊睇，只係我哋嘅結婚相則要公開示眾，隨時搞到畀班前輩非議咁就唔好。」不過珊珊都擁有一個誘人兼渾圓嘅美股，唔公開出嚟好似有啲嘥料喎！珊珊面紅話：「就算我個臀部係全世界至吸引、最誘人都係假，皆因我一定唔會唔着底褲就畀人哋睇，只有我鍾意嘅人先至可以欣賞得到我嘅美股，呢啲部位都係私下慢慢欣賞好啲。」
珊珊Profile
身高：5呎4吋
三圍：34、23、33
撰文：魂
攝影：生