政情：公民講場：鈺成湊人數 仆返會議廳

人民力量同社民連議員連日不斷要求響鐘點算開會法定人數，以阻撓大會通過成立創新及科技局嘅決議案。尋日下午兩點幾鐘，社民連梁國雄再次要求點人數，但十一位泛民主派議員為咗開記招交代要求調整財委會議程，遲遲唔肯返入會議廳，要等到響鐘十一、二分鐘後，先有六位泛民議員施施然返回會議廳，但仍欠一位議員至夠數。面對只差十秒就流會，主席曾鈺成就焗住喺主席辦公室急急腳返回會議廳勉強湊夠人頭。記得曾主席曾建議議員在「非常時期」要習慣用十二分鐘食餐飯或分幾次食，仲引述議員話去廁所都要分兩次，估唔到佢都要習慣埋一份喎。