政情：今日你上鏡：羅寶文籲中港溝通化解矛盾

中港矛盾加劇，身兼傑出青年協會主席嘅富豪酒店集團副主席羅寶文（Poman）日前出席一項青年活動時話，中港文化差異引發嘅矛盾好常見，而佢喺工作上亦經常遇到呢個難題，事關旗下客戶來自香港、中國及歐洲，各處鄉村各處例，意見分歧時有所聞。不過，Poman直言要解決矛盾，就要多溝通，好似拍拖同工作咁，每次有拗撬都係源於彼此欠缺溝通，所以佢鼓勵大家打開心窗，坦誠交流。講開交流，早前佢就帶四十位傑青上京考察，讓大家深入了解內地嘅文化。