立法會開會審批議案或政府提交嘅撥款申請時，除咗要有足夠議員在席，相關官員亦要按時間表出席會議。不過，自從泛民議員瘋狂「拉布」後，據聞官員一諗起開會就好頭痛，因無法預計前一個項目幾時傾完，所以要身處立會隨時候命，得個「等」字。我哋日前喺其中一間會議室見到唔少官員排排坐，原來因為太多官員要留守立法會準備去開會，所以秘書處就暫將會議室闢作休息室，現場有官員篤手機、亦有人傾偈打發時間，唯一共通點，相信係佢哋都希望快啲輪到自己出場。
