「六二二公投」結束，真普選聯盟（真普聯）方案爆冷贏咗學界方案，令大家焦點再次聚焦喺真普聯身上。不過，現時嘅真普聯已經四分五裂，就算真普聯贏咗，民主黨主席劉慧卿（卿姐）再三強調，唔會同非同路人合作，所以會堅持初衷，唔參加真普聯會議。當日該黨離開係不滿真普聯內冇晒紀律，認為留喺聯盟內已經無意思，現階段的確無理由面懵懵走番入去，如果突然重返真普聯，只會惹人批評搖擺不定。不過，就算唔喺真普聯，卿姐話都可以繼續推動真普聯方案啫！
