便衣警當馬伕 嫖客涉襲警

鳳姐用黑絲襪笠頭以免容貌曝光。（左蘭慶攝）

現場為大南街一○二號唐樓，上址開有多間「一樓一」，由不同鳳姐駐場接客。昨午五時許，一名中年嫖客到上址一鳳樓召妓，但交易前要求鳳姐先剝光豬睇「全相」。鳳姐為留住客人，即時脫光衣服讓其睇「貨辦」。豈料，嫖客睇過「全相」後，指貨不對辦拒絕光顧，但鳳姐卻要索取「睇辦費」，雙方因此爆發爭執，嫖客拂袖離開。鳳姐心有不甘，穿衣後尾隨追落樓，沿梯大叫打劫及救命。

女事主「黑絲」笠頭返署

兩名隸屬旺角警區特遣隊的便裝警長及警員，進行反罪惡巡邏剛巧巡經上址，聽到救命聲後即在樓梯截停調查。不過，對方疑誤認兩警是「馬伕」，奮力反抗，三人發生糾纏，齊齊跌倒地下。混亂間警長擦傷手腳，警員則左手無名指受傷，但終將嫖客制服拘捕。兩受傷警其後被送院，鳳姐則返署助查，但她竟然用黑色絲襪笠頭，以免面貌曝光。

警員將被捕嫖客帶署調查。（江偉霖攝）

受傷警員（左）坐在地下等候送院。