廣福道違泊多 礙乘客上落
「嗰度地下畫晒斜線，明明唔可以泊車，但啲車就完全唔理泊晒喺度，有時啲車仲會多到塞住個巴士站，砵佢都唔理！」石先生因工作關係常於廣福道等候巴士，發現巴士站前方上落客區常有車輛違泊，嚴重時更會阻礙巴士埋站，令乘客需步出馬路上車，「有時啲公公婆婆行得慢，都好驚佢哋有咩事走唔切。」
年發110張告票
警方發言人表示，一直關注大埔區內車輛阻塞及違泊問題，過去一年共接獲十九宗有關上址的投訴，並發出約一百一十張告票，會繼續留意有關情況及採取適當的執法行動。
但石先生卻質疑警方無積極執法，又指違泊情況已持續多時，認為警方一年只發出百多張告票阻嚇力欠奉，要求警方加強執法，以根治違泊問題。「其實我都冇見過有警察喺度抄牌，如果有點解完全冇改善？」