簷篷不設防 管業處拒裝閘
「一望出窗就見到有人喺簷篷行嚟行去，真係畀佢嚇親！我唔知佢會唔會偷我啲嘢，但佢咁樣做已經好滋擾！」居於元朗朗屏邨玉屏樓二樓的阿明（化名）發現，單位對出簷篷不時有陌生人「遊蕩」，曾多次要求管業處安裝鐵閘，防止有人由行人通道進入簷篷，但管業處至今僅張貼告示呼籲勿跨過欄進入簷篷。
「入去唔會理告示」
朗屏邨管業處發言人表示，曾接獲有住戶向管業處反映，玉屏樓二樓簷篷位置有人出入。該處已即時於上述位置加強保安巡邏，同時張貼通告，提醒途人勿攀越欄杆以免發生意外。
元朗區議員鄺俊宇表示，張貼告示作用不大，要求管業處先以鐵欄圍封有關位置，「啲人要入去都唔會理張告示啦，就算短期內冇辦法整鐵閘，都可以搵鐵鏈或鐵欄封咗先，咁先可以防止啲人行過去。」