發展局同建造業議會大搞建造業安全周，為咗鼓勵班建造業工友開工前練習氣功強身健體，於是搵咗特首梁振英（CY）、發展局局長陳茂波（波波）及即將離任港鐵工程總監嘅周大滄等八百多人，齊集啟德郵輪碼頭齊齊大耍氣功「八段錦」，兼創造健力士世界紀錄。不過，雖然CY金睛火眼望實氣功師傅嘅示範，但跟極啲姿勢都做得唔多似樣，見佢紮個馬步顯得硬晒軚，相對波波就好得多喇，都叫做耍得兩吓，對比師傅嘅示範，無八成都有七成，莫非佢平時有練開「八段錦」？
