網民鬧爆：終身停佢牌
【本報訊】「晒命」飛車片段曝光，狂徒遭網民鬧爆累街坊！「咁飛車法，撞車一定不堪設想！」網民前日起就事件議論紛紛，有網民直斥鐵騎狂徒極速狂飆罔顧其他駕駛人士的安全，飛車玩命，隨時累己累人，促請警方盡快緝拿狂徒，不諱言：「呢啲人最好終身停佢牌！如果唔係，遲早搞出人命！」另有「追風一族」指交通警鑑於此案，近日一定加強執法。
轟飛車行為非常自私
短片被上載後迅即熱爆本港熱門討論區，單是其中一個轉貼帖子便引來逾千個分享，不少網民形容片段簡直「嚇死人」，有人直斥司機惡行害人害己，批評：「佢咁揸車，隨時累死人，唔好禍及無辜！」又批評狂徒行為非常自私：「大膽，如果炒車一定命都冇！」並說：「新牌仔揸車見到咁真係畀佢嚇死！」又直言：「兩舊幾騎住條快線，是旦一個唔生性Cut出嚟都唔得了……」亦有人說：「270幾……後生可畏，阿彌陀佛……」
事件引起警方高度關注，有「追風一族」直言狂徒已「玩串晒」，又指摘「唔應該放上網害街坊」，相信片段瘋傳及見報後，警方將會大力打擊超速駕駛。根據警方資料，全港檢控車輛的超速數字，由一一年的逾十八萬七千多宗，急升至一二年的二十六萬六千多宗，去年則有二十三萬九千宗。