垃圾站滿瀉 惡臭熏天
「個垃圾站裏面啲垃圾已經滿到瀉，瀉晒出嚟都冇人理，真係好唔衞生！」陳先生指，元朗公園北路有食環署垃圾站已告滿溢，溢出之垃圾佔據半條行人路，部分未有膠袋包妥，食物殘渣外露造成惡臭，不滿食環署未有及時派員清理，影響衞生。
食環署發言人表示，派員巡查後，發現上址垃圾站外有小量垃圾，已安排潔淨服務承辦商清理及清洗，並在垃圾站外當眼處張貼告示，提醒市民切勿在垃圾站外棄置廢物。發言人又說，過去一年並無接獲相關投訴，將繼續留意情況，採取適當行動。
促增收集次數
陳先生認為，食環署有必要研究增加收集垃圾次數，避免問題再現，「啲垃圾滿得咁緊要，即係一係就好耐冇人嚟清過，一係就係個垃圾站使用量已經飽和，食環署無論如何都要諗辦法解決，唔可以就咁貼告示就算！」