港鐵工程趕絕商戶

「舖頭門口就對正個地盤，唔係掘地就係打樁，搞到又嘈空氣又差，仲邊有人肯入嚟坐幾個鐘整頭髮？」蘇小姐的髮型屋對出即為港鐵地盤，自今年農曆新年開始，店外馬路被兩米半高的圍板圍封，僅餘下狹窄的行人路，且偶有大型機器在地盤內挖掘及打樁，令生意額大跌四成，熟客亦不再光顧。蘇獲悉工程將為期三年，擔心結業日子將近，不滿港鐵漠視小商戶利益，「同港鐵反映完都冇用，頂多畀我哋放個易拉架喺港鐵出口位，咁有咩用？」

玉石店慘蝕終結業

毗鄰的玉石店店東陳太亦指舖面完全被圍板遮擋，行人路因大幅收窄而鮮有途人行經，即使減價促銷亦無補於事，「自己仲有三個仔要養，封咗板兩個月已經倒貼咗八萬蚊，根本冇辦法捱過三年！」事實上，陳太接受訪問後未幾，玉石店已告結業。

已結業 玉石店東主陳太指地盤與店舖相隔不足一米，嚴重影響商戶生意。

蘇小姐指髮型屋自工程開展後，生意額大跌四成。

港鐵發言人指，油麻地站由去年七月開始進行升降機接駁地面與車站大堂工程，惟礙於工程包括設計、建造地下接駁通道及升降機、擴闊行人路及搬遷地下管道設施等，有必要將有關地段封閉，預計二○一六年竣工。

港鐵：減低影響公眾

至於補償措施方面，發言人則未有正面回應，僅稱會定期與商戶溝通，務求盡量減低工程對公眾造成影響。

「港鐵唔可以話為咗起升降機，增加便民設施，就大條道理損害商戶利益而唔使作出任何補償，成件事根本完全唔可以接受，仲要成三年先起好，真係太慢！」油尖旺區區議員黃舒明批港鐵未履行企業社會責任，興建便民設施施工期過長，損害商戶利益。黃稱，現時港鐵處理補償「多數係應酬形式」，實際卻是零補償，要求港鐵加快工程進度及提供補償方案。

記者：黃芷君、林永發