由盛事基金贊助嘅香港龍獅節活動，被質疑喺創造就業職位方面篤數。尋日立法會政府帳目委員會舉行公開聆訊，龍獅節籌委會召集人陳鑑林（橄欖）辯駁話，佢哋要等活動完結之後，協辦團體報番實際參與人數，佢哋先可以確實最終數字，所以佢哋預計可創造三千個有薪職位，最後結果係唔夠數，呢個差距係好自然嘅現象喎！咦？財政司司長曾俊華（鬍鬚曾）最叻就係年財政預算案估錯數，橄欖好學唔學，唔通係向鬍鬚曾抄橋？
