探射燈：原意紓公院壓力 慳錢慳床位
面對醫療資源不足問題，歐美及內地已推行日間手術服務。事實上，本港醫療界人士亦認為服務有可取之處，除了減少夜更醫護人員的需求，令日間人手更充裕，亦可為病人慳錢，為醫院慳床、慳人手。
不少歐美國家已採用日間手術服務多年，令病人平均住院日維持三點八日左右，而一些發達國家如英國，現時日間手術已佔總手術超過百分之六十五。近年，連內地醫院亦開始推行日間手術，減少平均住院日數。香港醫學會前會長蔡堅指，日間手術服務的確可減少病人住院時間，紓緩醫院緊張的床位及人手，同時亦可為病人節省住院費用。
可減夜更護士人手
「部分手術調咗日間做，咁夜間可以唔需要咁多護士，人手方面可以鬆動啲。」蔡指，以往需要大量夜更醫護人員當值，照顧手術後留院的病人，但現時可從夜更調動人手至日更，令日間人手更充足之餘，亦可令醫護人員有更好休息，激勵團隊士氣。
