渡海濠情：大學唔易讀 要錢又要靚
美國有位脫星一心想做大學生，於是考入當地某大學，但因為花費甚巨，所以就客串做吓脫衣舞女郎，點知畀佢搞成風氣，唔少女大學生都學佢跳脫衣舞維生，而嚟自9號會所嘅小雪就話：「做大學生唔容易呀！」
開支甚大
小雪話：「大家有所不知，家陣做大學生真係好難，除咗讀書成績要好之外，仲要家有餘錢，因為學費雜費加加埋埋真係唔講得笑。據報紙講美國啲女大學生一個星期跳兩晚脫衣舞，至夠一周嘅開支，算佢一晚收入有千零蚊美金，但一個星期就花光，一個月咪要幾千蚊？為起港紙咪成兩三萬蚊，真係乸脷！所以當年我都考到入大學，但一諗起啲開支，我就打退堂鼓，寧願出嚟打工賺錢好過！而且當年大把人追，應酬啲男朋友都冇晒時間啦！」
唔靚唔得
如果解決到錢嘅問題，小雪會唔會考慮再做大學生呢？小雪話：「我之前有個富二代嘅男朋友，佢知道我讀到書，所以話要供我讀大學，但我都拒絕咗，因為出嚟做嘢，喜歡打扮就打扮，唔喜歡牛記笠記又得。但做女大學生就唔可以，行出嚟少啲心思打扮都唔得，因為全日都有人同你評頭品足，無論靚與唔靚都有人偷拍你嘅照片放上網，做咗大學校花就唔想落榜，做咗學校扒王就想脫榜，個個唔扮到靚靚都唔敢見人，咁辛苦，我真係唔做呀！」
小雪Profile
年齡：21歲
三圍：35-24-35
撰文：小德
攝影：阿德