屋署拆僭建 「末日都未掂」
「之前睇新聞，都知屋宇署搞過抗議，話唔夠人處理僭建個案，但違法嘅嘢政府一定要正視，如果唔係就會成街都係僭建，到世界末日都未搞得掂！」黃婆婆居於油麻地碧街數十年，直言見證大量唐樓僭建物「落成」，其中一幢幾乎全層平台亦被僭建，至今仍未見清拆。
屋宇署發言人證實，已於○六年向有關業主發出警告通知，並將之送交土地註冊處「釘契」。而一一年修訂僭建物執法政策，已將位於樓宇外部，包括在天台、平台、天井及後巷的僭建物均納入優先取締範圍。發言人表示，當局會按序向有關業主發出清拆令。
市民促增人手
「○六年已經出警告，但之後就冇再跟進，等到依家畀我舉報先拿拿臨出清拆令，成八年咁耐，屋宇署係咪真係唔夠人做嘢成咁？」黃婆婆要求政府盡快為該署注入新血，增加屋宇署處理僭建效率。