政情：公民講場：李漢奸 民主阿婆 「尿錯壺」「行臭棋」

外號「李漢奸」嘅民主黨創黨主席李柱銘同外號「民主阿婆」嘅前政務司司長陳方安生，近日先後出訪美加唱衰香港，配合美國副總統拜登同《紐約時報》干預中國內政，對香港普選問題指指點點。內地官方媒體《環球時報》尋日發表社評同文章，點名炮轟兩人去美國「告洋狀」，係香港泛民主派行出嘅又一步「臭棋」，遲早輸甩褲；泛民主派選擇投靠西方向中央施壓，更加形同「尿錯壺」。李漢奸同民主阿婆畀人鬧反中亂港、通番賣國就聽得多，用到「行臭棋」、「尿錯壺」等字眼，就真係夠晒新鮮兼有創意。