政情：公民講場：單仲偕仲未醒 醫生兜巴「星」

南區區議會海怡西補選日前落幕，以低票慘敗嘅民主黨立法會議員單仲偕（（先刂）雞）事後一味靠賴，但（先刂）雞嘅對手、人民力量主席袁彌明嘅黨友歐陽英傑（星屑醫生）就睇唔過眼，尋日喺社交網站撰文，不點名怒插（先刂）雞賴三賴四，唔認自己懶。星屑醫生話，建制派不但派出星級人士站台，更一早透過地區組織「插旗」，好似選舉當日，有婦女組織成員清一色着代表新民黨「黨色」嘅桃紅色衫撐場，反觀民主黨動員聲勢完全比唔上新民黨甚至人民力量，表明（先刂）雞要怪，就怪拋棄選民做官嘅黨友馮煒光同自己個黨喎！