還原土地 規劃署雙重標準

私地從嚴 官地忽略

長春社高級公共事務經理李少文指出，如受破壞的池塘為私人土地，規劃署一般會先後發出「強制執行通知書」及「恢復原狀通知書」，以制止違例者破壞土地及要求復原，不過，礙於政府部門間不能「互相控告」，官地被破壞後往往備受忽略，「（規劃署）就算畀咗復原通知地政署，佢（地政）唔做都冇得告佢，所以索性唔畀。」

李指有關問題存在已久，曾有位於「自然保育區」的官地被破壞並建造石屎路，要求政府修復但被拒絕，「我問佢係咪應該打碎番啲石屎，變番泥路畀啲草可以生長，佢話冇咁嘅必要，應該啲草可以生到，咁真係唔知佢邏輯喺邊度！」

規劃署發言人承認涉事池塘位於「農業」用途地帶，填塘須要規劃許可，但並無回應該署會否就有關地點受破壞而要求地政署回復土地原貌。

立法會環境事務委員會委員范國威批評政府做法雙重標準，「政府針對官地，或私人地方應該有同一標準去做出復修安排，唔應該私人地方先叫人復修！」