除豪華畢業教育團外，近年亦興超豪謝師宴，有小學畢業聚餐高達九百多元，令家長負擔極重。有教育界人士指，若家庭因經濟問題而令子女未能前往，會令孩子變得自卑，建議無論畢業旅行或謝師宴，也應從簡，讓小孩在樸素的生活下成長。
「九百幾蚊去酒店食一餐謝師宴，唔畀佢去又唔係，畀佢去都好肉赤。」育有一子的陳太，得悉兒子的小六謝師宴要到港島的酒店舉行，加上宴請老師及「夾份」購買禮物，花費共九百多元，「唔想個仔冇咗個回憶，惟有慳啲使，都要畀佢去。」另有網民大嘆女兒畢業要到主題公園的酒店聚餐，「一個人要成五百蚊，仲要家長一齊去，一家三口咁就唔見成千五蚊。」
「小學謝師宴唔需要豪華版，大家夾錢喺操場食到會或盆菜，一樣開心！」教育評議會副主席何漢權指，現代家長負擔很重，就算子女參與謝師宴或旅行回來後也可能不敢跟他們說，「啞子食黃連，小學生誤以為動輒就可以有幾百蚊去謝師宴，腦海入面都冇賺錢辛苦嘅概念，大啲點算？」