政府呢幾日邀請立法會各黨派議員同中聯辦官員食早餐談論政改，本來就講到明係「各自表述、互不引述」政策，點知尋日公民黨議員郭家麒就破壞規矩，仲爆料聲稱政務司司長林鄭月娥及中聯辦法律部部長劉新魁講過「無論特首方案幾咁難接受，市民唔接受就冇Plan B」，即刻被林鄭反駁，批評佢講嘅嘢「不盡不實」。不過，郭家麒之後仲死撐話「Plan B係一種比喻」，言論係憑感覺及印象得出喎。咁就死得喇，如果佢有份喺下月訪問上海，真係同京官閉門會議，容乜易又無中生有呀！
