醫院製鞋墊 增病人不適

「整咗咁多對都冇一對着得舒服,就算攞番對舊嘅去畀佢哋跟住嚟整都係唔啱,着到對腳好痛!」患有扁平足的陳小姐(化名) 兩年前接受律敦治醫院義肢矯形部治療,院方至今為陳度「腳」訂造五對鞋墊,惟鞋墊不是過硬便是過高,令陳雙腳更感疼痛。陳向醫管局投訴不得要領,大感無助。

律敦治醫院發言人表示,病人每次覆診時,治療師均以病人臨床情況決定調整原有鞋墊或重新製造,病人一般會在覆診當日試鞋墊,感到合適才會離開,倘病人試用鞋墊後一段時間發現不適應,可提早與治療師商量再作修改。發言人又解釋,因各醫院所用物料不盡相同,部門未必能複製一對與其他醫院完全相同的鞋墊。

然而,陳小姐對院方說法大表質疑,認為新物料理應更先進,更容易製造合適病人的鞋墊,「搞咗咁耐都係叫我着番舊嗰對,仲要五月先有新鞋墊,真係離譜!」

第一手消息請下載on.cc東網iPhone/iPad/Android/Windows Phone Apps