珠三角地區嘅工廠過咗春節成個月，仍然係有工冇人做，據講普通工人月薪3,000元都冇人問津，有工廠老闆惟有出高價請人，嚟自十八桑拿嘅思琪就話自己都想返工廠打工，但除咗要人工高，仲希望有少少要求！
思琪話：「家陣打工最怕時間長，最好5天工作，周末周日唔使加班！另外，每日工作8小時，其中有1小時食飯時間，最好就有個半鐘啦！事關工廠區食午飯時間，到處都人山人海，等位都要等30分鐘，咁你話唔食個半鐘，邊夠時間食兼食得飽喎！此外，除咗享用公眾期假外，仲要每年有14日或以上大假，假病當然唔少得，冇醫生紙嘅休息1天，有醫生紙嘅就最少放3日假，我建議有月事假，你知女仔每個月都有幾日唔舒服，如果有得放假就最完美啦！」
有冇咁筍嘅工呀？有就真係要介紹一下！思琪愈講愈興奮：「以上呢啲都係福利問題，喺工廠打工，我最怕一件事，就係冇時間識男仔，所以工廠一定要搞啲相親活動，唔使太多，每星期一兩次就夠，仲一定要同其他工廠聯合活動，咁識男仔嘅機會至會大增吖嘛！除咗工友參加，佢哋嘅管理層都要出席，如果唔係點釣到啲年輕才俊、未來企業大亨呢？所以要我重投勞動力市場最緊要有相親活動，咁就發達啦！」
年齡：20歲
三圍：34-23-34
撰文：小德