寵物公園過早關門 為難將軍澳狗主

「又話個公園係全港最大，點知六點就閂，我好多時都未放得工，你叫啲狗主點用個公園呀，唔通叫隻狗自己落去玩咩！」阮小姐居於將軍澳，原以為寵物公園開放後可不時跟愛犬豆豆前往遊玩，未料公園於晚上六時便關閉，平日放工後無法享用。「個公園舊年六月起好，到依家我都只係試過有幾個星期六同豆豆嚟玩過。」

當區區議員方國珊承認，曾不斷接獲狗主反映公園過早關閉，令設施白白浪費，「康文署話呢度係堆填區，地面一米以下就係垃圾，要裝燈有難度，所以開日頭，其實要加燈唔一定要起燈柱，喺牆身同欄杆位裝都得。」方國珊批評康文署訂立開放時間只為遷就場地設施限制，而非以用家角度出發，有本末倒置之嫌。

方國珊建議於園內牆壁上加裝照明燈。	寵物公園現缺乏照明系統，只有數盞街燈。	市民點睇 關小姐：「附近好多狗主鍾意呢度，就算行上嚟要半個鐘，玩得嗰十幾分鐘都會上嚟。」

康文署允增照明 延長開放

事實上，全港現時最少有十四個較大型的寵物公園，除油尖旺寵物公園的開放時間為每日上午七時至凌晨十二時外，其餘的寵物公園均屬二十四小時全天候開放，僅環保大道寵物公園的設定開放時間為朝七晚六。

康樂及文化事務署發言人表示，環保大道寵物公園建於復修堆填區上，佔地一點二公頃，為全港最大的寵物公園。截至今年二月的統計數字顯示，星期一至五的按月平均使用人次為一千，星期六日及公眾假期則接近二千人次。

發言人指考慮到公園噪音及燈光或對附近民居造成影響，加上公園尚未設置日常照明系統，故只在日間開放，更強調區議會同意有關安排。不過，發言人又補充，因應公園使用人士、附近居民及區議會意見，當局經檢討後，決定於公園內加裝照明系統，完工後會將開放時間統一延至晚上九時，並已獲區議會同意。

「佢（康文署）依家講緊係○八年嘅會議結果，其實一二年已經喺區議會反映要求加番啲燈同延長開放時間，咁講明顯混淆視聽！」方國珊更指當時曾一併諮詢附近屋苑，亦獲同意公園安裝照明燈及延長開放時間，直斥康文署圖將責任推卸予區議會，更令公園設施白白浪費。

記者 林永發