政情：公民講場：泛民訪滬淆底 猛咁「搬龍門」

特區政府獲中央首肯，安排全體立法會議員喺下月十二號訪問上海，但班泛民主派議員就大潑冷水，話如果中央唔肯公開行程細節，以及交代到時會唔會有機會同中央官員傾政改，佢哋就會杯葛訪問團喎。飯盒會召集人馮檢基仲話，如果中央一方面搵人大政協「放風」否定泛民嘅公民提名，一方面又邀請佢哋訪問內地，好明顯係想搵泛民做場大龍鳳，咁去唔去都冇所謂喎。不過，當初係泛民議員提出要去內地訪問，依家又列出諸多要求，猛「搬龍門」又要呢樣又要嗰樣，睇嚟都係想縮沙唔敢去啫。