24號單層巴難應付客量

「通常嚟幾架單層巴士先有一架雙層巴士，但一到下晝啲放工、放學時間就會排晒長龍，要等成兩班車先上到！」張先生下班後習慣在洗衣街乘搭九巴24號線返回觀塘，不滿該線經常以單層巴士行走，無法應付繁忙時間客量。

九巴發言人指24號線乃來往啟業至旺角的循環線，每日班次約為每隔二十分鐘開出一班，車隊現由三輛單層巴士及一輛雙層巴士組成。發言人續稱，接獲本報轉介後曾抽查近日下午繁忙時段的載客紀錄，結果顯示現時班次及車型大致能滿足客量要求。

不過，張先生對九巴的回應不表認同，直指現時洗衣街分站「打蛇餅」情況依舊，質疑九巴未有仔細了解乘客需求，要求盡快檢討車隊組合，以應付上、下班時間的候車人潮，「如果九巴真係嚟睇過，冇理由唔知呢架車有幾多人搭，佢哋應該至少派多架雙層巴士疏導吓啦！」