渡海濠情：守口如瓶咪預男性

街知巷聞

嘉嘉話：「有時自己嘅私事或者聽到啲秘密，我都唔會同啲姊妹講，因為怕傳出去咁就大件事，但唔知點解，最後一樣會通晒天搞到街知巷聞，我起初都唔知點解？後來發現爆出去嘅竟然係我啲男朋友，大家都知道有心事唔講出嚟會搞到周身唔舒服，我怕女仔多口，所以就爆畀男友知，點知最守唔到秘密嘅就係佢哋；仲有女性爆料通常都會講句『你哋知就好，千祈咪再傳出去！』但男生爆料就會鼓勵聽眾瘋傳出去，你話係咪激死！」

藝術加工

咁又係，男人爆料好少會講溫馨提示。嘉嘉滿腔怒火一於畀佢繼續：「而且最激死人就係佢哋嘅爆料對象，無論知情嘅唔知情嘅，有興趣嘅定冇興趣嘅，佢哋一概唔理，可以話見人就講，加上佢哋冇溫馨提示，最後就出現以訛傳訛嘅情況，例如普通一件分手事件，經一群唔知情嘅人瘋傳，就會變成比文藝電影仲要精彩嘅愛情故事，但人物名字同發生地點等就冇改過，畀當事人聽到，你話幾尷尬呢？所以有秘密咪話畀男友知呀！」

嘉嘉Profile　　

年齡：22歲

三圍：35-24-35

撰文：小德　

攝影：阿生