政情：楊大偉籲市民「跑素」 善有膳報

David將於四月展開名為「全城跑『素』，善有『膳』報」活動，參加者只要上載一份素餐，或喺其網站下載一個標誌，承諾願意逢星期一茹素，佢哋就會捐出一個福袋畀弱勢社群，預計將派出近萬個，內有食品如米、麵或一餐飯嘅代用券，目前已獲唔少大企業支持包括機管局及銀行機構支持。

推動綠色酒席 回收「剩食」

身為虔誠佛教徒嘅「家全七福」董事徐德耀率先加入「跑素行動」，除出錢出力支持有關計劃，又喺旗下食肆推出唔用「假肉」嘅素菜，少油少鹹，讓注重健康人士品嘗到新鮮蔬菜的真味。

除咗「跑素」，David又推動綠色酒席，鼓勵但凡設宴逾十圍人士參加「回收剩食計劃」，佢哋會聯絡團體喺散席後回收「剩食」，再分予有需要人士。