網民話愛中國就應該喺內地買國貨，買外國貨嘅內地人係「賣國」、「叛國」，又話內地客喺香港消費，香港就有錢搞獨立。一連串嘅論述，其實咪又係唔想內地人來港消費囉！
指非鬥人多
另外，由立法會議員范國威等人發起嘅「香港本土」就會喺嚟緊星期日下午三點，喺政府總部外舉行「港人港嘢」集會，主題係反對學校用普通話教中文，表明佢哋要捍衞廣東話嘅決心。佢哋暫時請到文化人彭志銘擔任嘉賓，又已經發信邀請其他關心本土議題嘅團體參與集會，但就唔打算邀請泛民主派其他盟友參加，理由係唔想請啲唔請啲咁肉酸喎。至於預計有幾多人參與，佢哋就話依家唔係鬥人多，搞集會只係希望大家多啲關注呢個議題。