「貪曾」前特首曾蔭權爵士和「貪湯」前廉政專員湯顯明呢對「絕代雙貪」，敗壞晒香港廉潔聲譽。立法會議員黃毓民同王國興，雖然政見不同，但尋日都罕有地唱雙簧狠批「雙貪」，其中毓民直指廉政公署招牌「被湯顯明鏗碎，仲有個曾蔭權」，貪湯「收禮送禮仲禮尚往來」。王國興亦加多兩錢肉緊，批評「雙貪」令本港及廉署蒙羞，質問廉署如何重提廉署威信。
正所謂「冤有頭債有主」，與其搵現屆官員鬧爆「出氣」，應該搵番「雙貪」出來受靶，等佢哋感受吓議員有幾痛恨佢哋嘅貪得無厭！
