由民陣發起嘅元旦遊行結束後，各方都做事後檢討，好似獨立監察警方處理投訴委員會（監警會）秘書長朱敏健尋日喺一個電台節目上話，今年元旦遊行較少聽到遊行人士要求警方開路嘅聲音，又指支持政府及反對政府嘅團體相遇都氣氛平和，要歸功警方嘅應變，認為今次遊行係歷來最暢順一次，相信同遊行人數較少有關喎。其實遊行人數少，好自然會暢順進行，不如淨係讚警方識得應變好過啦！
