東方報業集團旗艦網站「on.cc東網」，打造全球華人最強資訊網，絕對唔係空口講白話，不但有客觀事實作為依據，同時有各界名人齊聲讚好。好似影帝張家輝咁吖，佢就激讚「on.cc東網」不但廿四小時更新，速度更加係「好快好快」，快到其他對手「見到尾燈當你贏」。
力臻完美嘅「on.cc東網」再一次優化手機Apps，點樣優化呢？讀者只要完成簡單嘅更新動作，喺新頁面輕輕一按，即刻可以搵到想要嘅資訊，掌握全球脈搏話都冇咁易，無論身處地球邊一個角落都能夠同步同時瀏覽最新資訊。更新版嘅Menu Bar更加簡潔，手機頁面更加寬闊，更加符合讀者瀏覽嘅習慣。
大家一定會話，功夫茶梗係自賣自誇啦，冇理由唔係賣花讚花香。講到呢一層，功夫茶有必要再次重申，既然嬌艷鮮花係香噴噴，點解唔讚先？
上東網，知天下，大家欲知天下事，透過更新版Apps就得嘞。「on.cc東網」更新版Apps將Menu Bar五個按鈕移到左側，目錄一清二楚又簡潔易明，並且騰出手機屏幕嘅珍貴位置，讀者自然能夠瀏覽更多資訊。各位只要輕按手機屏幕左上角嘅「on.cc東網」標誌，就可以拉出隱藏式Menu Bar，可供瀏覽嘅資訊包括「東網即時」、「ontv東方電視」、「東方日報—網頁」、「太陽報—網頁」、「東方日報—電子報」、「太陽報—電子報」、「好報—電子報」、「特刊—電子版」、「FLASHoN—電子版」、「FLASHoN.com」、「Money 18」以及「爆料/設定」。只需一隻手指，點盡全球資訊！
全球資訊當然包括前日可惡到極嘅港鐵故障啦，由於港鐵將軍澳線跪低五粒鐘，交通受阻嘅市民都好關心事態發展，東網即時新聞嘅瀏覽頁數比平日飆升五成，證明呢一個全球華人最強資訊網贏得讀者信賴。
唔講大家可能唔知，一般手機Apps好多人係即用即棄，用咗一陣就會刪除，東網Apps就唔同嘞，讀者忠誠度非常之高，百分之七十七用家下載安裝之後都唔會刪除，而且每日都會用，反映大家對東方報業集團旗艦網站不離不棄。
講到呢度，有必要提提大家，東方係歡迎讀者爆料o架，透過東網Apps嘅「爆料/設定」，各位可以隨時隨地大爆特爆。除此之外，亦可致電爆料熱線 36003600，或者用Whatsapp 65006500，以及WeChat嘅onccireport都得，十分方便。
最後再提提大家，自從「太陽報電子報」、「好報電子報」及「FLASHoN電子版」全球免費開放後，讀者人數節節上升，簡直氣勢如虹。至於「東方日報電子報」雖然仲未免費開放，但「on.cc東網」優惠陸續有來，一波接一波，千祈唔好錯過吖！