渡海濠情：溝仔眼光好 投資回報高
有巴打話家陣呢個時勢想發達，最好嘅方法就係要識得投資，而澳門9號會所嘅索女妮妮亦相當認同呢個講法，只係佢話對真金白銀嘅投資冇乜興趣，反而投資喺男士身上先至最實際，並稱講到溝仔好有眼光。
唔怕長揸
查實唔少女士都將結識男士比喻做投資，只要投資得當嘅話，返嚟嘅回報分分鐘仲賺得多過炒樓同買股票。雖然呢種心理冇話唔妥，但卻往往令人覺得呢種女人好俗氣，唔通妮妮唔擔心嘅？妮妮就話：「其實呢種心理真係冇乜問題，問題係有冇女人會咁坦白講出嚟而已。不過如果你問我嘅話，我就會話與其搵個金龜嚟投資，不如搵個高增值兼有潛力嘅男士進行長線投資好過，咁先至可以相對保證有回報兼且長揸都冇怕。」聽妮妮咁講，好似對揀男人相當有眼光喎！妮妮笑道：「我嘅眼光都算獨到o架！事關我幫過幾個姊妹眼，事後證明我嘅眼光都幾準確。」
暫未發功
既然妮妮眼光咁準，睇嚟佢應該手持幾隻潛力股啦！點知妮妮竟然擰頭話冇：「因為我仲未遇到可以投資嘅對象嘛！須知道我份人唔係咁花心，唔會用漁翁撒網嘅方法嚟溝仔以提升命中率。相反，我一定要睇啱睇定先至出擊。」如果落錯注嘅話咁咪乜都冇？妮妮笑道：「每種投資都有佢嘅風險，呢啲嘢避唔到嘅，只係我好相信自己嘅眼光，若然真係遇到目標嘅話，一定唔會多想而主動出擊。不過話說回來，家陣唔少姊妹經常同我介紹對象，希望我可以盡早有拖拍咁話。其實呢啲嘢又點可以急得嚟呢？最重要都係大膽假設，小心求證先至最為穩陣。」
妮妮Profile
身高：5呎4吋
三圍：34、24、34
撰文：魂
攝影：昌