太和街店舖霸道 逼行馬路
阻街問題解決無期，市民每日承受苦果。灣仔街坊張先生指出，太和街有店舖長期佔用橫巷及行人路位置擺賣，每日皆吸引大批途人駐足選購，令行人通道大幅收窄，途人被迫履險走出馬路，「咁多年嚟日日都係咁，其實政府究竟做過乜？」張不滿當局僅對違規情況一直「隻眼開隻眼閉」，有縱容之嫌。
食署執法成效不彰
食物環境衞生署發言人表示，職員巡察時發現上址有店舖將貨物擺放行人路造成阻塞，已即時檢控負責人，並會繼續留意情況及採取適當行動。發言人又補充，食環署在今年六月至十月期間已向有關店舖提出十一宗檢控。
「投訴完、檢控完都係一樣冇改善，食環署係咪好應該諗吓有冇其他方法？」張先生不滿當局執法成效不彰，要求從速檢討，並考慮加重罰則，以收阻嚇作用。