政情：今日你上鏡：愛德華王子夫人 訪扶幼會學校

愛丁堡公爵國際獎勵計劃大使、愛德華王子（Prince Edward）夫人Sophie近日嚟咗香港，佢前日上午就到訪香港扶幼會許仲繩紀念學校，了解學校推行香港青年獎勵計劃（AYP）（前身為「愛丁堡公爵獎勵計劃」）嘅發展情況。Sophie喺參觀學校期間，曾與部分參加AYP嘅學生傾談，並大讚學生透過計劃培養出自信心同團體精神，亦實踐咗AYP嘅堅毅同力求進步嘅挑戰精神，佢嘅評語對學生產生咗好大嘅鼓勵同肯定作用。