政情：公民講場：人請都唔去 泛民酸溜溜

全國人大常委會副秘書長兼《基本法》委員會主任李飛來港三日，全程只係見咗兩位泛民主派議員，搞到真普選聯盟前日急急召開記者會，要求李飛接見包括泛民在內嘅全體立法會議員，但最後李飛都係見唔晒咁多議員。尋日泛民飯盒會就提到中聯辦主任張曉明早前出席立法會午宴後話會搵時間回請議員一事，點知班泛民議員就似小學雞咁玩小器，飯盒會召集人馮檢基就話泛民一致決定唔會接受中聯辦回請，理由係有中方人士話佢哋係「賤骨頭」喎。其實班泛民議員都係嬲緊李飛唔見晒佢哋啫，依家又話請都唔去，真係「吃不到的葡萄是酸的」。